Sa ginanap na MIMAROPArangal: Sinag Kahusayan Awarding Ceremonies ay iginawad sa Pambansang Paaralan ng Palawan ang kampeonato sa titulong “Best Implementing School para sa Brigada Eskwela 2021.” Nanguna sa katergoryang Mega School ang PNS sa lahat ng mga paaralang nominado sa buong rehiyon ng MIMAROPA.

Nakuha din ng PNS ang ilang espesyal na parangal tulad ng “Most Prepared School” at “Best Partnership Engagement Activity.”

Tinanggap ang mga tropeyo at sertipiko ni Dr. Eduardo G. Santos, Punong-guro IV ng PNS sa Lungsod ng Tagaytay, Marso 23, 2022.

Ang nasabing parangal ay kaugnay ng School-Based Management at Brigada Eskwela na isang community partnership activity ng mga paaralan sa ilalim ng DepEd.

Masaya ang buong komunidad ng PNS sa isa na namang pagkilala sa mahusay na ugnayan ng paaralan at iba’t ibang stakeholders.

Congratulations, Ang Bagong PNS! Tunay kang Number 1!